ACT OF THE PARLIAMENT HELD AT PERTH, 6th MARCH 1429.
Of the array of knychtis lordes and vtheris.
Anent the maner of grathing of gentilmen and utheris for weir.
4. Item, be the awyse of the haill parliament it is statute and ordanit that ilk man that may dispende yerly xx lib. or at has jC (100) lib. in movabil
gudis, that he be wele horsit and haill enarmyt as a gentill man audit to
be. And vther sympillaris of x lib. of rent or L lib. in gudis, haif hat
gorgeat or pesane, with rerebrasaris vambrasaris and gluffis of plate
brest plate panse and legsplentis at the lest or better gif him likis.
Anent the maner of grathing of yemen for weir.
5. Item, that ilk yeman that is of xx lib. in gudis haif a gude doublat
of fence or ane habergeone, ane yrn hat, with bow and schefe, suerde
buklar and knyfe, and all vther yemen of x lib. in gudis haif bow and
schefe, suerde and buklare and knyfe And the yeman that is nane
archer na can nocht deyll with a bow sail haif a gude souer hat for his
hede and a doublat of fence, with suerde and buklar and a gude ax or
ellis a brogit staff.
Anent the maner of grathing of burgessis for weir.
6. Item, it is statute that ilk burges hafand jC lib. in gudis salbe hail
enarmyt as a gentil man audit to be, ande at the yeman of lawer degre
ande burges of xx lib., be bodyn with souer hate and doublat habergeone suerd buklar bow schefe and knyfe, ande at he that is na
bowman haf a gude ax' or wapynis of fens, as is forsaide. Ande the
balyeis sal rayse the payn in the burgh gif it be nocht kepit as is forsaide,
that is to say of ilk harnest man iiij s. at the first warnyng, at the
secund warnyng viij s., ande at the thrid tyme a mark and sa furth,
whil he be wele enarmyt, ande of ilk yeman at the first tyme ij s., at
the next tyme iiij s., and at the thrid tyme viij s., ande sa furth whil he
be wele enarmyt.
Brogit staff: spiked staff
Grathing: dressing, making ready
Legsplentis: leg protection
Panse: pauncer, belly protection of mail or plate
Pesane: pisan, mail collar
Soure: sure, assured
Scotland, Cosmo Innes, and Robert Renwick. 1868-1919. Ancient laws and customs of the burghs of Scotland. Edinburgh: Printed for the Scottish Burgh Records Society. Vol. 2 pp15-16