A yeoman farmer would hold substantially more land than the minimum required to support a family: perhaps 100 acres or more. A skilled craftsman like an ordinary master carpenter would live about as well. The middle rank of household servants, between the grooms and the squires, were ranked as yeomen or valets. Note, however that while this was a common term for servants of this rank, it doesn’t seem to have been regularly used to describe the free famers from whom those servants were recruited until the 15th c. Also: Middling to poor innkeepers, married pardoners or summoners, farmers of manor or parsonage, wholesalers dealing in stock and other lesser trade, and landed lesser merchants or artificers. All other benificed curates, and parish and annual chaplains. Monks and canons from middling houses.
And he was clad in cote and hood of grene.
A sheef of pecok arwes, bright and kene,
Under his belt he bar ful thriftily,
(wel koude he dresse his takel yemanly:
His arwes drouped noght with fetheres lowe)
And in his hand he baar a myghty bowe.
A not heed hadde he, with a broun visage.
Of wodecraft wel koude he al the usage.
Upon his arm he baar a gay bracer,
And by his syde a swerd and a bokeler,
And on that oother syde a gay daggere
Harneised wel and sharp as point of spere;
A cristopher on his brest of silver sheene.
An horn he bar, the bawdryk was of grene;
A forster was he, soothly, as I gesse.
A swerd and bokeler bar he by his syde.
His mouth as greet was as a greet forneys..
He was a janglere and a goliardeys,
And that was moost of synne and harlotries.
Wel koude he stelen corn and tollen thries;
And yet he hadde a thombe of gold, pardee.
A whit cote and a blew hood wered he.
In youthe he hadde lerned a good myster;
He was a wel good wrighte, a carpenter.
This reve sat upon a ful good stot,
That was al pomely grey and highte scot.
A long surcote of pers upon he hade,
And by his syde he baar a rusty blade.
Carpenter’s Wife: Miller’s tale
A ceynt she werede, barred al of silk,
A barmclooth eek as whit as morne milk
Upon hir lendes, ful of many a goore.
Whit was hir smok, and broyden al bifoore
And eek bihynde, on hir coler aboute,
Of col-blak silk, withinne and eek withoute.
The tapes of hir white voluper
Were of the same suyte of hir coler;
Hir filet brood of silk, and set ful hye.
And sikerly she hadde a likerous ye;
And by hir girdel heeng a purs of lether,
Tasseled with silk, and perled with latoun.
In al this world, to seken up and doun,
There nys no man so wys that koude thence
So gay a popelote or swich a wenche.
A brooch she baar upon hir lowe coler,
As brood as is the boos of a bokeler.
Hir shoes were laced on hir legges hye.
Parish Clerk: Miller’s tale
Ful streight and evene lay his joly shode.
His rode was reed, his eyen greye as goos.
With poules wyndow corven on his shoos,
In hoses rede he wente fetisly.
Yclad he was ful smal and properly
Al in a kirtel of a lyght waget;
Ful faire and thikke been the poyntes set.
And therupon he hadde a gay surplys
As whit as is the blosme upon the rys.
Miller: Reeve’s Tale
Ay by his belt he baar a long panade,
And of a swerd ful trenchant was the blade
A joly poppere baar he is in his pouche;
Ther was no man, for peril, dorste hym touche.
A sheffeld thwitel baar he in his hose.
The person of the toun hir fader was.
With hire he yaf ful many a panne of bras,
For that symkyn sholde in his blood allye.
She was yfostred in a nonnerye;
For symkyn wolde no wyf, as he sayde
But she were wel ynorissed and a mayde,
To saven his estaat of yomanrye.
And she was proud, and peert as is a pye.
A ful fair sighte was it upon hem two;
On halydayes biforn hire wolde he go
With his typet bounden aboute his heed,
And she cam after in a gyte of reed;
And symkyn hadde hosen of the same.
Ther dorste no wight clepen hire but dame;
Was noon so hardy that wente by the weye
That with hire dorste rage or ones pleye,
But if he wolde be slayn of symkyn
With panade, or with knyf, or boidekyn.